哥本哈根2

 

 

 

 

 

 

 

 

 

丹麥旅遊 哥本哈根旅遊

今日我地主要去2個地方

1 - 去運河上落客處河邊,即係上面我用來做招牌既地方

2 - 去"新港",即係有個碼頭側邊好多屋仔明信片成日見個度。

 

不如比個地圖先啦。

係 "哥本哈根1" 講到遊樂場。

但其實係遊樂場對面 (A),就係美術博物館啦。 其實呢個博

物館唔係好大,有半個一個鐘可以入去行下的。主要係睇畫睇雕塑。

Ny Carlsberg Glyptotek

http://www.glyptoteket.com

Opening Hours
Tuesday – Sunday 11 a.m. – 5 p.m.
Monday closed
Closed on the following days: January 1st, June 5th, December 24th and 25th.


Address
Dantes Plads 7, DK-1556 Copnhagen V, Denmark

Contact
Tel. (+45) 33 41 81 41
info@glyptoteket.dk

Admission
Adults: DKK 75 (EUR 11)

只限香港人文化水平大部份都係低低地,除左shopping食野

之外,都唔會對去過既國家感受下,了解下,認識多d。 (又

或者我地既文化係:愈去得多地方愈低,最好就10日去8個國

家!!!) 於是為左銷路就10本旅遊書有9本唔會叫你去博物館的。

過條馬路行多一個街口就係國家博物館了。(B)

呢個館真係好大了,係側邊條行人路就睇得出。

行極都行唔完咁.....本來想入去睇不過太座話去左河邊先。

過左呢條走廊,就係下面個地點 (C) ,過條馬路就到了。

一過馬路就見有船!! 遊客觀光船船身好長,轉呢個灣好辛苦,要

停低,擺正船頭先可以再行。

你睇,好多本地人係度HEA架,曬下太陽食下野好舒服!好舒服!!!正!!!!!

坐陣先...........

D水好清,見晒水底D水草。 (無聊........)

 

有興趣坐下船仔遊 哥本哈根 兼去睇美人魚像,可以考慮下幫

趁 "DFDS運河旅遊"。網址係隻船個船身有寫,哈哈哈,算啦,比埋你。

http://www.stromma.dk/en/CANALTOURS/

係我坐個位對面,就係頂頂大名既 "托爾瓦森雕刻美術館" 啦!!

http://www.thorvaldsensmuseum.dk/en

Thorvaldsens Museum
Bertel Thorvaldsens Plads 2
DK-1213 Copenhagen K
Telephone +45 33 32 15 32
thm@thorvaldsensmuseum.dk


Opening hours
Tuesday-Sunday 10 am – 5 pm
Monday closed
Also closed:
December 24, 25, 31 and January 1


Admission
Adults: DKK 40
Youths and children under 18: free

雖然係平,不過小弟對呢家野無乜興趣.......

其實係  托爾瓦森雕刻美術館  後面仲有間 "丹麥皇家武器博

物館" 不過上網Search過,見都係中世紀舊野多,(即係古董

啦) ,去過瑞典個間睇左3個鐘古董野真係夠啦,唔想去了,

你有興趣可以去網下,唔係好遠,就係呢座白色大樓後面。

http://www.thm.dk/info/eng.htm

呢兩個館我都無去過,唔介紹了,自己睇啦。

 

如果真係有興趣去博物館之話,最低玩係可以買張 "哥本哈根

咭",有24小時,72小時 同 120小時三款。可以用公共交通

(電車巴士地鐵)同埋去晒D博物館 (70間),連TIVOLI 遊樂場

都免費入場。我就無買啦。你個行程我又唔知,咁....自己諗

諗覺得低就買啦。

http://www.visitcopenhagen.com/book-your-stay/copenhagen-card/whats-included-with-copenhagen-card

Adults
24  hours DKK 249
72  hours DKK 479
120 hours DKK 699

 

呢張相係"D"點向 "E"點影既,銅像後面白色屋仔個條街就係

STROGET購物步行大街。 (由呢點入去算係街中間) 等等!!

咪衝住等等呀各位團友!!!  望望右面先......

係呢張相既右手邊有間 7-11。(呢間7仔好似好鬼舊咁.古董7仔呀?...)

 

唔係,我係話7-11行前少少有D本地人擺既地攤。好多得意野

既,大家唔賣都建議去睇下,放鬆D啦香港人。

頭先講白色屋仔個位有個噴水池,行得累可以坐下。我SEARCH

到有一個免費wifi,唔知而家仲有無呢?

各位團友,半個鐘之後係度等啦,自己去睇下野啦。我唔講野啦無氣啦。

趁各位四維睇,我靜雞雞走去食雪糕窩夫先。

我留意左好耐,荷蘭丹麥瑞典d單車全部都無handbreak

行下街,睇下野,買下野,咁.....歡樂時光得別快,又係時

候.......食餐飽啦,哈哈

其實唔覺唔覺都行左成日,都好累AND一點餓,不如就來個EARLY

DINNER啦。

我地揀左間希臘餐廳食BUFFET!!! 正呀!! 呢間餐廳仔叫  Samos,

STROGET 大街-----既格離。

放心唔會好難搵,你亦唔一定要去呢度食。我揀呢間只係因為平得

黎多野食又評語幾好。其實係購物大街都好多餐廳架,自己中意去邊

間是但啦,反正正統丹麥菜咪豬肉丸,煎魚同燉牛肉,呢度都有

而且間間都差唔多的。

你中意就去啦。呢個係地址電話地圖。

http://www.nelso.com/dk/place/8091/

呢個係評語

http://www.virtualtourist.com/travel/Europe/Denmark/Koebenhavns_Kommune/Copenhagen-162183/Restaurants-Copenhagen-Samos-BR-1.html

 

張餐巾有內容的,只係希臘文同丹麥文都唔識,睇得明既只有一個.........就係個電話,哈哈哈哈

如果你驚係大街唔知點轉入去可以望下見唔見呢個大招

牌,見到左轉入去個窿度跟箭咀行就得架啦。

食個時間餐廳好多人影唔到d食物。(總之叫多,我又胃

漲了。小弟有個習慣唔知好唔好,就係去buffet再飽都好

每樣都要食少少試下,結果飽到好辛苦........)

食完唔覺已經天黑了(其實好早天黑.....),都繼續去新港啦。

行過見到玩具舖,比幾張相電車朋友了解下外國國情。

 

 

行下行下,終於到左新港了。夜晚既新港先係最好玩最熱鬧既時候,酒吧餐廳夜總會開足成里咁長,中意夜蒲飲野clubing等等夜生活既朋友真係要安排下夜晚先來,日頭去其他地方。

睇番地圖,新港既左面有個公園,公園望過去個條街既入口係咁既。

一過左馬路,第一樣野就係洗手間啦。

GOGOGO!!!

好奇怪舖頭只係開係碼頭左面,右面係靜英英既。

當然少不了有大量船上餐廳啦。不但止可以食,仲可以訓添。好多船上酒店歡迎隨時光顧!!! 無論你/妳係搵到食要就地正法,或者飲到 PEPE 夫番唔到屋企比D損友碇入去,亦或 人一世物一世點都想試下船酒店浮下浮下個種人在異邦個種浪漫氣氛,我都覺得應該一試。

嘩!! (如果) 係呢架船食食下晚飯突然你男朋友儸隻介指出來向妳求婚,妳話.....真係.....咁樣.....我.....你......想唔應承都唔得啦。各位男同學又醒條橋比你啦。

講兩句無聊事啦。

第一句,係新港入面有間細細間雪糕屋,幾好味又唔貴,記得試下。就係地圖新港個圈,中間有點紅點個度,自己睇。

http://www.nelso.com/dk/place/242755/

第二句,有個鬼佬就咁係河邊小解,飲咁大驚佢跌落河。哈哈哈哈

 

行完一輪,累累地返酒店個邊。雖然唔係坐地鐵,不過經過都影張相先。

搭1A返酒店。

各位save低呢張相,有呢幾架巴士經火車站的。 所以住得近火車站點都好d。

死火,我都唔記得幾錢位了。幾蚊咁上下。北歐規矩,上車買飛。

 

咪睇夜嘛嘛烏燈黑火,都係8點半咋!!!

歐洲最最最唔好就係d舖頭鬼咁早收,洗唔洗呀超級市場8點走得。打呢份工都好好做喎!!!  個牌寫住  星期一至五收9點,星期六收8點,星期日唔好黎幫趁!!!  >_<

雖然我覺得唔會有小朋友睇我寫野,不過都做d功夫先......

四維行下行下,發現原來丹麥都可以飲茶食點心!! 不過酒店有免費早餐包埋,咁就算啦,斷估無香港個d咁好食。不過....如果你帶爸爸媽媽或者老人家,食左幾日麵包pizza真係覺佢有d唔習慣,都可以考慮孝順一番同佢係哥本哈根飲早茶的。 價錢自己睇.......

 

 

丹麥都有訓覺電視睇既。 (即係影住d人訓覺個樣,等你都覺得好眼訓咁.....真係好)

好啦,呢篇太長了,下一篇講行街shopping食野同去機場。

 

有問題可找我,未必一定識答不過會盡力,哈哈

 

davidfan@davidfan.com

http://blog.yahoo.com/davidfan26FEB/cover